O alumnado de terceiro e cuarto de Primaria, no mes de decembro estiveron traballando nas súas aulas a figura do Apalpador e escribiron cartas para él. Aquí tendes unha mostra do realizado:
O vello Apalpador, tamén chamado en zonas Apalpabarrigas, ou Pandegueiro en partes do oriente ourensán, é unha figura lendaria galega que achega os agasallos ás nenas e nenos a noite de ano vello (ou a de nadal). Baixa das devesas do Courel, entra pola noite nos cuartos das nenas e nenos e moi silenciosamente lles apalpa as súas barriguiñas por ver se están mantidos. Se están cheas dilles: «Así, así esteas todo o ano» e déixalles unha presa de castañas. Senón cala, pero tamén lles deixa as castañas.
Para tranquilizar aos rapaces, bulideiros pola inquedanza da chegada do Apalpador, os pais cantábanlles esta canción:
Vaite logo, meu meniño (miña meniña)
marcha agora para a camiña
que vai vir o Apalpador
a apalparche a barriguiña.
Xa chegou o día grande
día do noso Señor.
Xa chegou o día grande
e virá o Apalpador.
Mañá é dia de cachela,
que haberá gran nevarada
e há vir o Apalpador
cunha mega de castañas.
Por aquela cemba
xa ven relumbrando
o señor Apalpador
para darvos o aguinaldo
Se queredes saber máis velaquí tedes outros recursos:
http://oapalpador.eu/ligazons-sobre-oapalpador/
No cole celebramos todos baixo un mesmo paraugas o día internacional das persoas con disCAPACIDADE.
Abrimos o noso paraugas pola EQUIDADE e polo RESPECTO ÁS DIFERENZAS.
"Por un mundo onde sexamos socialmente iguais, humanamente diferentes e totalmente libres" (Rosa Luxemburgo).
